- Contido de publicación aberta de eco

novo blog contra ENCE

erva - compostela — 2008-03-12T16:52-07:00

Vídeo: El Coche Ecológico

granadaviaverde — 2008-03-12T13:06-07:00

Vídeo: El Coche Ecológico
coche ecológico ]]> Hola,

os presentamos el vídeo que hemos realizado sobre "el coche ecológico"

http://granadaviaverde.blogspot.com/2008/03/el-coche-ecolgico.html

Saludos y gracias

PARA MÁS INFO:
http://granadaviaverde.blogspot.com
granadaviaverde_@hotmail.com

Experiencias contra o TAV

GAS — 2008-03-04T11:35-07:00

. ]]> Entrevista de audio a dúas compañeiras na loita contra o TAV, unha de Euskadi e outra de Italia.

Centrada sobre todo nas estratexias de resistencia que levan a cabo nos seus diferentes territorios.

Neste enlace:
http://tv.sants.org/index.php?sec=1&fit=08030200300533#video

Presentación de Granada Vía Verde

granadaviaverde — 2008-03-04T10:57-07:00

Mais aparcadoiros para o aeroporto, pero menos transporte público

GAS — 2008-02-28T18:15-07:00

. ]]> Durante os días 26 e 27 de febreiro, AENA (Aeropuertos españoles y Navegación Aerea) comezou as obras de ampliación do aparcadorio do infrautilizado aeroporto de Peinador.

O resultado foi a tala de ducias de arbores, varias delas centenarias, co obxectivo de facer unhas presuntas catro plantas subterraneas para o aparcadoiro, o que non sera nengunha solución real ao problema da mobilidade da zona (por qué non aumentar e mellorar as liñas de buses?), pero suporá importantes beficios para AENA, sobretodo despois de que o mesmo día do inicio das obras o alcalde de Vigo anunciase unha subida de prezos nos parkings.
- "Casualidade"???.

A constructura ACS DRAGADOS S.A., "unha empresa comprometida co progreso" como elas mesmas gostan en calificarse, foi á que se lle adxudicaron as obras, de feito polo xeral unha de cada catro obras públicas feitas en Galiza encárganselle a esta empresa madrileña. A cal é ben coñecida por todas as viguesas pois tamen foi a encargada dunha das derradeiras agresións ao noso territorio como foi a construcción do centro comercial "A Laxe", que abriu ilegalmente as suas portas o 13 de Febreiro.

Sen esquecer que tamen é unha das empresas involucradas na construcción do AVE e demais salvaxadas medioambientais en toda Galiza (segundo cinturón de Vigo, porto de Bouzas, porto exterior de A Coruña, etc).

As compañeiras de Matar por Matar Non estiveron alí tentando parar a desfeita:
http://matarpormatarnon.org/node/485

http://www.farodevigo.es/secciones/noticia.jsp?pRef=3278_2_203617

"A falacia da sustentabilidade"

colectivo editorial Renderén — 2008-02-26T13:15-07:00

monográfico que acaba de sair feito e editado na Galiza
capa ]]> EMITINDO (inverno 2008)

«La vie crée l’ordre, mais l’ordre ne crée pas la vie.»

Levamos moito tempo emitindo sinal, dando as coordenadas de onde nos atopamos. Situámonos por riba do medo e do catastrofismo que nos impoñen os espectaculares dispositivos periféricos do Capital, para precipitar a súa necesaria abolición. Poñémonos por riba e non por baixo, para que non nos esmaguen as colunas que ergueron os xerarcas e que xa non poden soster por si mesmas o delirio da depredación global. E porque cremos que cantas máis persoas deixen de soster e apoiar, tanto mellor nos irá a todos os seres do planeta.

Porque nunca acreditamos na vida extraterrestre, levamos moito tempo dicindo que non queremos soster na nosa casa, a fame, a guerra, a explotación e a ignorancia que alimenta o luxo dos ricos. E non queremos que os entusiastas da orde sigan a atrancarnos a vida con publicidade sobre as bondades do sufrimento e da devastación controlada.

Levamos moito tempo emitindo sinal, dando as coordenadas de onde nos atopamos e do que non queremos. Non aceptamos as choreiras espectaculares como a da conferencia de Bali nin a chantaxe culpábel desa jihad ben-pensante que porfía en darlle senso ao temporizador e á mecánica da destrución planetaria. Non nos interesa esa matraca interminábel sobre as propiedades emancipadoras da tecnoloxía comecartos, a absurda reciclaxe do refugallo consumista e un desenvolvemento que non pode ser para todos.

Levamos moito tempo emitindo sinal, dicíndolles tamén a todas esas persoas que, pensando “en positivo”, cren atopar a súa “salvación” na presunción de auténticas actitudes individuais que, sentíndoo moito, tal intención non chega para deter este sistema enfermo que nos fai enfermar. A “revolución verde” xa está madura coa axuda dos millóns de brazos e cabezas que frecuentan o templo da propiedade e do consumo, porque pintarse e pintarnos de verde é a única saída que teñen os gobernos e as corporacións multinacionais ás que obedecen para reinventarse. De entrada, cando menos, o que podemos facer entre todas é levantarlles esa pintura verde sempre que nos cadre e restarnos da súa conta para aliviar unha recua que só perpetúa a dominación.

Logo xa é tempo de nos convocar para o debate público, sometendo novamente a observación, necesaria e deliberadamente diversa, as proclamas máis rechamantes dos valedores desa eira que se albisca tras da virtualidade do confort postmoderno. Con esta publicación queremos contribuír a estimular un auténtico debate libertario no noso contorno para ceibarnos da autocompracencia, do moralismo e das meias tintas que apuntalan a crise actual. Mais non pretendemos espallar doutrina. Renderén só acredita na expresión e na acción espontánea da xente, na creatividade que procura a máxima liberdade e o ben común.

Levamos moito tempo emitindo sinal, dando as coordenadas de onde nos atopamos e do que queremos. E non queremos escoitar nada que teña que ver coa sustentabilidade deste monstro en declive.

Colectivo Renderén
http://renderen.blogpot.com
apartado de correos nº457 32080
OURENSE

Xornadas de economía sostible en A Corunha

CSA Atreu! — 2008-02-25T10:36-07:00

Xornadas CREANDO ECONOMÍAS SOSTIBLES (A Coruña, 28 e 29 de febreiro de 2008), CSA ATREU!
todas xuntas podemos!! ]]> PROGRAMA
Xoves 28 – 20:30 h.

Charla: "Moedas Complementarias: Tecnoloxías para un
mundo máis Xusto e Responsable" e "Unha experiencia
práctica da posta en marcha do primeiro Banco de Tempo
de Londres". (Stefania Strega-Scoz: coordinadora da Academia de Permacultura “Nodo Espiral España” e activista en Moedas
Complementarias)

Venres 29 – 20:30 h.

Xuntanza de Troco. Coa participación de Javi (do CSA "A
Cova dos Ratos", proxecto integrante da rede VigoTroca)
e de integrantes da Rede de Troco da Coruña e de
Invisíbeis (asembleia de precarias de A Corunha). Como remate, celebrarase unha cea compartida coas
aportacións culinarias das/dos asistentes.

Lugar: Centro Social “Atreu” (rúa San Xosé – zona Campo
da Leña/Pza. España)

Organizan: Rede de Troco da Coruña e C.S. Atreu
Colabora: A Cova da Terra

E o sábado 1 de marzo en LUGO...: IV Xornada de ECONOMÍA ALTERNATIVA - III Conferencia de MOEDAS COMPLEMENTARIAS.

Roteiro reivindicativo em Sisalde

Adega Corunha — 2008-02-21T18:54-07:00

A delegaçom de Corunha de Adega organizará este Sábado 23 de Fevereiro um roteiro reivindicativo pola fraga do rio Sisalde em Arteixo. O sábado, 23 de Fevereiro, a delegaçom de Corunha de ADEGA organizara um roteiro reivindicativo pola fraga do rio Sisalde até as branhas de Barranhám, acto que servirá para conhecermos mais de perto este espaço, reivindicarmos a sua conservaçom e posta em valor e denunciarmos as agressons que padeceu nos últimos tempos.

Partiremos às 11 da manhã da igreja de Sam Tomé de Monteagudo. De Corunha sairá um autocarro às 10 da manhã da Estaçom de Autocarros que parará também em Arteixo por volta das 10:30.

Para anotar-se cumpre telefonar:

660859493 (Xandro)
635102867 (Alberto)

Galiza Non Se Vende

GNSV — 2008-02-21T01:11-07:00

Despois do éxito acadado pola manifestación contra a destrución do territorio, organizada pola plataforma Galiza Non Se Vende, o conselleiro de Medio Ambiente lanzou unhas duras acusacións contra os organizadores e participantes da marcha. GNSV pide agora a dimisión deste político Manuel Vázquez, Conselleiro de Medio Ambiente da Xunta, en declaracións recollidas polos medios respecto á manifestación de GALIZA NON SE VENDE que tivo lugar o domingo en Compostela afirma que os manifestantes “non representaban á sociedade galega senón que defendían intereses particulares: Só ían polo que hai do meu”.

Lonxe de responder aos argumentos de GNSV, expresados no manifesto e no comunicado, prefire descualificar aos milleiros de galeg@s que democraticamente e facendo gala dun enorme sentido da responsabilidade (entendida esta como unha actitude cívica de defensa do patrimonio natural e do medio ambiente) esiximos un cambio de rumbo.

Este conselleiro que aproba a instalación da celulosa nas Pontes, que emite informes favorabeis á instalación de piscifactorías en espazos protexidos e legaliza as minas ilegais do Courel, que pecha os ollos e da para adiante a aberracións ecolóxicas como o PXOM de Vigo e outros, e que esta facendo desaparecer pola porta de atrás calquera tipo de protección para decenas de miles de hectáreas do Rexistro Galego de Espazos Protexidos, non pode ser conselleiro de medio ambiente.

É certo que os manifestantes defendemos o noso, pero entendendo isto (o noso) como o que é de todos os galegos e galegas. Mentres o conselleiro defende os intereses do capital, nós defendemos a nosa costa, o Parque Natural do Courel e o das Fragas do Eume, a seguridade e a vida na Ría do Ferrol, o Parque Rosalía de Lugo, as paraxes naturais, a saúde e unha mellor calidade de vida. Eses son os “intereses particulares” que nos levaron a Compostela.

O Sr. Conselleiro tamén tacha a manifestación de “electoralista”. Algo notable e sorprendente cando ningún dos colectivos convocantes se presenta nin se presentou nunca a eleccións de ningún tipo, e máis cando podemos dicir, sen medo a equivocarnos moito, que o 80% dos participantes na protesta son (ou eran) votantes dalgún dos partidos que conforman o goberno do que o Sr. Conselleiro forma parte.

Pero a guinda das súas desafortunadas declaracións ven ser esta cínica pregunta: ¿Onde estaban estes colectivos cando gobernaba o PP?

Cando gobernaba o PP algúns dos nenos asistentes á mobilización de Galiza Non Se Vende, aínda non naceran. Outros, xa hoxe mozos e mozas, lembrábanse o domingo daqueles días do Prestige, cando eles eran nenos e ían cos seus pais ás manifestacións. Outros, chamados por entón heroes, estaban na costa collendo chapapote coas mans, coordinando a milleiros de voluntarios/as e berrando Nunca Máis en Compostela. (¿Lémbrase daquilo o Sr. Conselleiro?). E outros, hai ben pouco, apagando lumes, ou recollendo cinzas, ou, xa que falamos de tempos máis recentes, paralizando piscifatorías a Álvarez-Cascos mentres a súa consellaría miraba para outro lado e, escusándose na herdanza do anterior goberno, desistía de exercer o dereito de retracto. Outros chegaron máis tarde e aínda han chegar máis.

Entón ninguén era oportunista.

Algúns veteráns xa nos deixaron, aínda que permanecen para sempre no noso recordo. Levamos aquí moito tempo e xa non tragamos máis.

Pero o importante é que estamos AQUÍ E AGORA, e máis que oportunistas, chámenos oportunos. Pois o Caurel, non espera, o parque Rosalía non espera, as nosas costas non esperan, o Ribeiro non espera, Reganosa non espera, o plano acuícola non espera, Galicia non espera.

Porque se esperamos, non haberá remedio.

¿Como pode dicir un conselleiro que máis de setenta colectivos son oportunistas? ¿Como pode dicir que entre 6.000 e 10.000 persoas que se
manifestaron son oportunistas? ¿Coñéceos a todos?

¿Remata o dereito a manifestarse libremente?

¿Por que entre os manifestantes había xentes de tódolos partidos e opcións de voto? Porque teñen vostedes un problema: xa non tragamos máis.

Xa hai moito que o Sr. Vázquez ten un suspenso en medio ambiente, pero agora ten outros dous: en democracia e en respecto á cidadanía e por iso esiximos a súa dimisión.

Goberne quen goberne

GALIZA NON SE VENDE!!

manual urbano de seguridad ciclista

granadaviaverde — 2008-02-19T11:51-07:00

Manual Urbano de Seguirdad Ciclista Hola a todos/as,

Os presentamos la nueva actualización del Manual Urbano de Seguridad Ciclista

http://www.onubenses.org/masacritica/grverde/manualbiciI.pdf

Recordad que para cualquier ayuda práctica para desenvolverse en bici por la ciudad, podéis venir a consultarnos, así como, para recibir alguna clase práctica en la ESCUELA TALLER BICI autogestionada:

LUNES 11h a 14h en la FÁBRICA DE SUEÑOS c/Damasqueros 20 (Granada)

SÁBADOS 12h a 14h en la FUENTE DE LAS BATALLAS (Granada)

Esperamos que sea de vuestro provecho.

Muchas gracias

http://granadaviaverde.blogspot.com

Video da acción contra o centro comercial A Laxe en Vigo

piratasgz — 2008-02-14T09:19-07:00

Aqui vai unha peza audiovisual despois da "visita" que realizaron un grupo de persoas no primeiro día do Centro Comercial A Laxe, para denunciar a especulación e o consumismo. ]]> Un grupo de xentes de Vigo achegáronse no primeiro día de "vida" do Centro Comercial A Laxe a súa oposición a este novo ataque á ría de Vigo, e ao propio casco vello de Vigo.

Tamén crititicaron o consumismo e a hipocrisia de datas como a de San Valentín.

Repartiron panfletos e realizaron toda unha marcha polo interior deste "monstro", até que os de seguridade decidiron chamar aos antidisturbios para identificar a todos aqueles e aquelas que se atreveron a criticar as súas ofertas e o seu fermoso emprazamento...

O video está na seguinte ligazón

http://piratasgz.blip.tv/file/667565/

transxénicos en Gz

labaza — 2008-02-08T13:12-07:00

Xa os temos aquí: transxénicos en Gz
Realizaranse ensaios de millo transxénico en Galiza.

]]> Realizaranse ensaios de millo transxénico en Galiza.
Mais información en: http://galizanonsevende.org/?p=199#more-199

ou na páxina de ADEGA

Charla en Vigo sobre movemento Anti-TAV de Euskadi

Precarias en Loita — 2008-02-07T10:40-07:00

Dentro da nosa campaña polo Dereito Social ao Transporte ( http://precarias.arkipelagos.net/node/52) e tamén para promover a participación na mani de Galiza Non Se Vende ( http://galizanonsevende.org/?page_id=188). ]]> Sábado 16 de febreiro ás 19:30h na Cova dos Ratos.

Charla: "A loita contra o Tren de Alta Velocidade en Euskadi e o modelo actual de movilidade"

A cargo de Javier Rodríguez Hidalgo membro da Asemblea Anti-TAV de Euskadi.

Organiza: Precarias en Loita

"Unha lousa sobre o Courel"

calquera — 2008-02-06T21:05-07:00

Disculpade o do formato, está copiado e pegado dun e-mail. Difunde !!

“ Unha Lousa sobre O Courel ”

Este venres, 8 de febreiro de 2008

No Centro
Internacional de Prensa de Santiago de Compostela ( CIP)

Avenida de A Coruña, 6 baixo // 15706 Santiago de Compostela

A Produtora Namche Films proxecta e presenta o Documental "Unha lousa sobre
O Courel"

- Ás 11:00 horas do día 8 proxéctase para os Medios e aberto tamén ao
público, o Documental "Unha lousa sobre O Courel".

- Ás 12:00 horas, o director do mesmo, Enrique Banet, a produtora
Mabel Rivera, e un membro da nosa Asociación, SOS Courel, ofrecen unha Rolda
de Prensa.

Contacto:

Mabel Rivera
mrivera@fundaciongaliciaverde.org
981 800200

Algúns contidos do documental:

-Courel Parque Natural?

-Imaxes do Courel e Somiedo (Asturias)

-Música de Emilio Cao

-Poemas de Novoneyra

-Tres temas de Xan de Vilar http://mx.youtube.com/watch?v=9UADoo26vSU

Participaron no documental, entre outros:

- Veciños do Courel

- O Alcalde do Courel, José Lopez Fontal.

- O Alcalde de Somiedo, Belarmino Fernández Fervienza

A Xente da Universidade

- Carlos Otero

- Javier Guitian

- Jesús Domínguez

- Juan Ramón Vidal Romaní

- Íñigo Pulgar

- Marcos González

- Xosé Manuel Beiras

Saúdos

soscourel@mundo-r.com 607 22 58 87

Manifestación 17 de febreiro “Galiza non se
vende”.

Non esquezas de acudir a manifestación de este 17 de Febreiro de 2008, que
sae ás 12 da mañá da Alameda, en Santiago de Compostela, convocada pola nosa
plataforma

Podes asinar o
manifesto.

Cando poidas, non deixes de achegarte ao Courel:

Aínda que nos expulsaran da Galiza de “Onde
vivimos importa”,

aínda que non poidamos pertencer a Galiza de “Cos
ollos pechados” ,

gracias a tod@as vós, O Courel vai de primeiro

Mírao outra vez
http://es.youtube.com/watch?v=7EienpYjX6o

Asina o manifesto "Galiza non se vende"

quique — 2008-02-06T20:56-07:00

máis información nesta ligazón:

http://galizanonsevende.org/?page_id=188 Manifesto

A nosa vida non se entende sen o territorio: sobre el temos a nosa vivenda, por el nos desprazamos, del tiramos alimento e enerxía, nel deitamos os nosos residuos, traballamos, pasamos o noso tempo de lecer… e facémolo desde hai séculos, nel está a nosa historia. O territorio que habitamos conta con paisaxes fermosas ou singulares e alberga, ademais, moitas outras formas de vida, acubilla biodiversidade. O territorio condiciona as nosas vidas, mais tamén temos unha cada vez maior capacidade de modificalo. Combinando desleixo e unha estrema ambición depredadora, levamos décadas destruíndoo e xustificámonos argumentando que é para xerar emprego, para nos desenvolver, para vivir mellor… Este uso insustentábel do territorio está destruír a paisaxe e o noso patrimonio cultural, está a empobrecer a biodiversidade, está a empeorar a nosa calidade de vida e a hipotecar a das xeracións futuras, para, como moito, enriquecer a unha minoría. Galiza perde poboación ao tempo que estende o seu solo artificializado. Urbanismo caótico, infraestruturas de transporte irracionais, piscifactorías, campos de golf, portos deportivos, encoros, parques eólicos indiscriminados, paseos marítimos e fluviais ríxidos, recheos, monocultivos de especies exóticas e invasoras, nulo respecto polas figuras de protección ambiental e os espazos naturais protexidos… teñen unha cousa en común: a inexistencia dun ordenamento territorial ecoloxicamente sustentábel e socialmente xusto. Estamos a atinxir un elevado nível de destrución do territorio, mais aínda temos capacidade para reaxir. Aínda é posíbel deseñar e desenvolver unha política de ordenamento territorial guiada pola sustentabilidade ecolóxica e a xustiza social: que respeite a paisaxe e o patrimonio, que nos permita convivir cunha rica biodiversidade, que mellore a nosa cualidade de vida sen hipotecar a das xeracións futuras. Sabemos que a xeración de emprego de cualidade, o aceso a unha vivenda digna e o gozo do noso tempo de lecer non é incompatíbel coa sustentabilidade, senón todo o contrario, e por iso demandamos un inmediato cambio de rumbo. Somos cada vez máis as organizacións e persoas que demandamos este cambio e traballamos por el desde diferentes ámbitos. Porque o mundo non está á venda e Galiza tampouco. Porque as persoas e o ambiente deben estar por riba do lucro. Porque é imprescindíbel deseñar e implementar xa un ordenamento territorial baseado na sustentabilidade ecolóxica e a xustiza social. Porque para isto é necesaria unha cidadanía forte e autoorganizada que sensibilice, presione e achegue alternativas. Terra viva e vida digna para tod@s!

MANIFESTO-CONVOCATORIA DE GALIZA NOM SE VENDE

AGRUPAÇOM DE MONTANHA AUGAS LIMPAS — 2008-02-05T13:58-07:00

A Agrupaçom de Montanha Augas Limpas esta a trabalhar, junto com outros colectivos ecologistas e de defesa da terra da "Rede Galiza nom se vende", na manifestaçom contra a destruçom do territorio do 17 de fevereiro em Compostela. Recolhemos aquí o manifesto:
Galiza nom se vende ]]>

CONVOCATORIA CONTRA A DESTRUCIÓN DO TERRITORIO
Manifestación en Santiago de Compostela o 17 de febreiro ás 12 h.

Galiza no ano 2008:

Desde A Guarda a Ribadeo, desde O Courel á Terra Cha, un terremoto de especulación e depredación da terra e do mar está destruíndo a nosa natureza, a nosa paisaxe e a nosa forma de vida. Está destruíndo, polo tanto, a propia identidade de Galiza.

O litoral galego está a sufrir un proceso especulativo de urbanización e privatización sen precedentes que destrúe a paisaxe e dana irreversiblemente os seus recursos pesqueiros e marisqueiros. A artificialización da costa e a continua construción de recheos (que, as máis das veces, constitúen terreo de balde para empresas que nada teñen que ver co mar), únense a uns niveis de contaminación nunca ata agora rexistrados nas nosas rías e a un Plan de Portos Deportivos absurdo que pretende crear en Galiza máis amarres que os que ten todo o longo litoral oeste de Italia, multiplicando por catro os que existen en Francia por cada quilómetro de costa: Privatización do que é de todos para disfrute e negocio duns poucos.

A esa desfeita temos que unir un Plan Acuícola devastador que significa a destrución de centos de hectáreas das zonas mellor conservadas do noso litoral para a construción de múltiples e enormes piscifactorías, para proveito de dúas empresas transnacionais.

Os nosos ríos viven un proceso de degradación e sobre explotación hidroeléctrica que se suma ao abandono total do rural e dos montes: eucalipto e lume. Estes últimos son ademais víctimas dun desaforado Plano Eólico que non ten en conta áreas de alto valor ecolóxico nin mesmo protexidas.

Por outra banda en Galiza temos dúas das centrais térmicas máis contaminantes de Europa e exportamos máis do 40% da enerxía eléctrica que aquí se produce.

Todos estes Plans (piscifactorías, portos deportivos ou parques eólicos indiscriminados), non significan ningunha mellora para a cidadanía. Xeran un número ridículo de postos de traballo e a riqueza que producen vai parar só aos petos das grandes empresas, dos grandes capitais, sen repercutir practicamente nada no tecido económico e social do país. Pero si destrúen, degradan e usurpan o que é de todas e todos nós: o medio ambiente, os recursos naturais, a paisaxe e o territorio.

Outro destes Plans da Xunta, o da Minaría, é un triste modelo de espoliación do territorio. Significa a destrución dun dos nosos tesouros naturais máis valiosos e queridos, un tesouro que chegara intacto ata nós: A Serra do Courel. Pero tamén a Terra Cha e moitas outras comarcas de Galiza sufrirán as súas consecuencias.

Un rosario de industrias perigosas segue a espallarse polo país.
Reganosa, na Ría do Ferrol, é un exemplo paradigmático de temeridade, irresponsabilidade e desprezo pola cidadanía. Ence segue, ano tras ano, contaminando gravemente a Ría de Pontevedra. O proxecto de Parque de Residuos no Ribeiro sinala o rumbo polo que nos queren levar. E a lista podería seguir e seguir. Beneficios para uns poucos e inseguridade, lixo e destrución para tod@s.

O modelo de transporte e de mobilidade que se está a perpetuar e fomentar é o do vehículo privado diante dun transporte público actualmente misérrimo. A construción de autovías e vías de alta capacidade supón un forte impacto no territorio e o uso do automóbil privado máis emisións de gases de efecto invernadoiro á atmosfera.

Quen vexa o ridículo mapa dos ferrocarrís de Galiza saberá do que estamos falando: Catro raias mal trazadas constitúen toda a nosa “rede ferroviaria”. Lonxe de tentar remedialo, agora queren vendernos (como abelorios aos indios) o AVE como solución. Un negocio tamén destrutor do territorio, elitista, enerxeticamente insustentábel e que de ningún modo solucionará o problema da vertebración do país.

Por se todo isto fora pouco, os Concellos das nosas vilas e cidades andan a debuxar Plans Xerais de Ordenación que, lonxe de pretender mellorar a calidade de vida da cidadanía, consisten en ver quen constrúe máis. Un alarde de urbanismo salvaxe que na maioría dos casos pretende duplicar, senón máis, o número de habitantes nun prazo de dez ou quince anos. Pouco ou nada se fala neses planos de servizos, transporte público, carril bici, depuradoras... Construír e destruír a contorna rural é o lema, atendendo a non se sabe que absurda previsión de crecemento demográfico.

Coa coartada da ampliación da Rede Natura 2000 baleirouse de contido todo o sistema anterior de espazos protexidos. Así, e só na provincia de Pontevedra, máis de 20.000 hectáreas de solo perderon toda a protección anterior. O patrimonio histórico, os nosos petroglifos, mámoas e monumentos líticos son presa da destrución máis feroz.

A legalidade urbanística e medioambiental é sistematica e impunemente vulnerada coa complicidade das distintas administracións, cando non pola súa propia actuación e iniciativa. O país reborda de obras, actuacións e proxectos ilegais protexidos e bendicidos polos nosos gobernantes. As sentencias firmes de derrubo, mesmo as do Tribunal Supremo, nunca son executadas, aumentando a sensación de impunidade de uns e a de burla e desprezo á cidadanía.

E que dicir da clase política: Silenciosos, cómplices e coautores da catástrofe. Uns e outros, todos eles, préganse como nunca á avaricia dos grandes intereses económicos que subvencionan aos seus partidos e subornan as ideas que din representar. Por iso, coa voz dos seus amos, pretenden enganarnos con palabras como progreso, desenrolo, crecemento... engadindo sempre, como unha xaculatoria hipócrita, a palabra “sostible”. En realidade o crecemento é só para aqueles que lles pagan. Os recursos de Galiza (e os do planeta) son limitados, e esta carreira de depredación e espolio é un camiño que non leva a ningures. Ou que leva só a hipotecar o futuro dos nosos fillos e á miseria das próximas xeracións.

Quedamos só nós, as cidadás e os cidadáns, para defender unha vez máis esta Terra da desfeita programada. Temos que recuperar o espírito das vellas xestas para amosar que aínda mantemos intacta a dignidade de pobo que non quere morrer.

Hoxe, máis que nunca, Galiza precisa de ti, da túa voz e da túa forza.
Xuntos e firmes estaremos o 17 de febreiro en Compostela para defender a nosa paisaxe, a nosa natureza, a nosa identidade e a nosa forma de vida. Xuntos e firmes, baixo o sol ou baixo a chuvia, será un domingo radiante de esperanza para a terra dos nosos pais e dos nosos fillos, para a vida futura e, por que non dicilo tamén, para o noso ameazado planeta.

GALIZA NON SE VENDE

Non as Matanzas de raposos - Convocatoria

Matar por matar NON — 2008-01-24T22:36-07:00

O día 27 de xaneiro, en Portomarín (Lugo) van realizar a "V Copa España de caza de zorro".
Ás 7.00 sairemos ó monte para impedira a matanza.
Ás 13.30 Concentración de protesta na praza Maior.
¡¡ NO A LA MATANZA DE ZORROS EN GALICIA!!

El próximo domingo día 27 de enero en Portomarín (Lugo), varias organizaciones ecologistas, de Galicia y del resto de España, defensoras de los animales y contrarios a su utilización como objetos de diversión, realizarán un acto de protesta. Protesta contra el asesinato indiscriminado de zorros por parte de cientos de cazadores, travestidos en “deportistas”, para justificar subvenciones al deporte.

Ya nadie se cree los censos “inflados” para justificar cupos imposibles de zorros. Tampoco el falso argumento de que “hay que cazarlos”, cuando nunca hubo problema alguno con su número, ni siquiera cuando tenían alimento abundante ni estos “salvadores” se dedicaban a tan infame “deporte”. Menos aún la falsedad de unos supuestos daños que el zorro es incapaz de ocasionar.

Solo vemos el interés económico de los organizadores, la cobardía hipócrita de políticos sordos a la sociedad y las aficiones sangrientas, brutales y anacrónicas de los participantes.

Con la disculpa de la “riqueza” que mueve se celebrará el “V Copa España de caza de Zorro” y nuevamente las escopetas saldrán al campo a sembrarlo de muerte.

Nuevamente en Galicia, donde es gratis y donde la fauna y los ciudadanos son los que pagan y pocos los que se benefician.
Porque nadie tiene el derecho de utilizar lo que es patrimonio de todos para su interés particular.

Porque nadie, excepto ellos, lo considera ni caza, ni deporte, ni una forma "ecológica" de gestión de los bosques.
Porque para hacer deporte no es necesario matar seres vivos.

Porque el zorro es de las últimas especies que aún consiguen sobrevivir, a veces comiendo solo basura, de forma silvestre en el monte, ya que las demás especies desaparecieron y solo se cazan animales mansos procedentes de granjas.

Porque nunca se han matado tantos zorros y se está provocando la inestabilidad de las colonias, la extensión de plagas y la proliferación de otros animales más dañinos para la fauna autóctona.

Porque pensamos que no hay excusas para el asesinato de animales inocentes, con argumentos reiteradamente rebatidos y despreciados por la opinión pública.
Porque queremos elevar nuestra voz en favor de quienes no pueden defenderse por si mismos.

Sabemos que no podremos evitar la muerte de muchos, pero de otros sí. Y sobre todo, porque deseamos que la sociedad sea cada vez más consciente y que llegue el momento en que la estos actos se contemplen como lo que realmente son: el asesinato cruel, interesado y sin sentido de inocentes, cuyos cuerpos van parar a la basura.

Suscriben: (19 Asociaciones)

ADEGA, Amigos da Terra, ANADEL, Asociación Autónoma de Ayuda a los Animales,A.C.(Mexico), Coto do Frade, ECOLOGISTAS EXTREMADURA, "ERES LO QUE HACES", Fundación Altarriba, CES Salnés), GAS (Grupo Axitación Social), Grupo Naturalista "HABITAT", "KOMCHÉN de los Pájaros"(Mexico), Libera, Matar por Matar NON, PACMA , SEO , Sociedade Ecoloxista Outeiro, SGHN , Verdegaia.

Crónica e fotos da acción de rúa en Vigo contra o Tratado de Lisboa

GAS — 2008-01-24T19:18-07:00

Dentro das xornadas que rematan cunha charla na Cova este xoves 24 de xaneiro.
http://galiza.indymedia.org/gz/2008/01/13896.shtml ]]> O pasado sábado 19 de xaneiro unha vintena de persoas xuntámonos na rúa de Principe en Vigo, para tentar informar á cidadanía sobre o Tratado de Lisboa e o modelo de construcción europea que nos impoñen, baseado no neoliberalismo e a falta de liberdades.

A tal fin dous compañeiros vestíronse con traxe e montamos unha especie de posto "oficial" da UE, de carácter informativo e consultivo.

Animámos á xente a informarse e a opinar sobre este novo tratado, para iso tiñan que encher unha papeleta respostando a esta pregunta:

Está vostede de acordo coa firma do Tratado de Lisboa, no marco da Unión Europea?
Marque unha das seguintes casiñas:
SI.
NON.
Ehem non me soa de nada.
Ah que se pode opinar?.

E logo as depositaban nunha papeleira (lugar onde habitualmente van a parar as nosas opinións sobre as políticas que nos afectan).
Unha vez feito isto a persoa participante recibía un sobre regalo que contiña máis textos sobre o Tratado de Lisboa.

Para darlle ambiente ao o acto que durou un par de horas, lemos o manifesto unhas cantas veces e tamén un compañeiro interpretaba co violín a “Hoda á alegría”, que é o himno da Unión Europea.

Unhas duascentas persoas se achegaron a depositar a súa papeleta e informarse sobre o Tratado, xa que a tenor do resultado do escrutinio ou non o coñecen ou directamente están en contra.
O acto o organizou a rede A Ría Non se Vende, xunto con Xogo Descuberto e a CGT de Vigo.

Este é o texto que contiña o “sobre regalo”:

QUE PERSEGUE O TRATADO DE LISBOA?

Desde a súa orixe a Unión Europea é un proxecto económico que busca un mercado europeo unificado e a proxección das súas multinacionais e dos seus capitais cara ao exterior. Agora o noso novo desafío é convertérmonos nunha superpotencia mundial. Para isto necesitamos aumentar o territorio baixo o noso control, o cal, explica a ampliación cara ao este e os acordos de libre comercio que estamos asinando. E ademais, precisamos ser un poder político e militar de primeira orde.

Así, o Tratado de Lisboa persegue:

Reforzar a Unión Europea neoliberal para competir no mundo
• O crecemento económico é o grande obxectivo da UE (art. 3).

• O principio de competencia aparece como rector da Unión (protocolo nº 6).

• A Unión traballará para eliminar os “obstáculos” ao libre comercio mundial (art. 10A e 188B).
• Garántese a libre circulación de capitais (art. 56 e 57-3).
• Ademais, proponse coma obxectivo da Unión a estabilidade de prezos (art. 3), que será o único obxectivo do Banco Central Europeo (art. 108).

• Apóstase pola liberalización e interconexión do mercado enerxético (art. 1176A).

• A nova estratexia da Unión (Europa Global: competindo no mundo) persegue “manter a súa competitividade no mercado mundial intensificando os seus esforzos co fin de crear oportunidades para as súas empresas en terceiros países. Para construír empresas fortes a UE tamén deberá crear un entorno máis favorábel ás empresas dentro das súas propias fronteiras”.

• Os servizos públicos quedan suxeitos ás normas da competencia (art. 86 e 87).

• Xunto ao Tratado, pénsase aprobar a Carta de Dereitos Fundamentais. Aínda que na teoría é xuridicamente vinculante, na práctica aplicaranse as lexislacións dos países membros. É unha carta neoliberal pois non recoñece o dereito ao traballo nin ao emprego, senón o xenérico “dereito a traballar”, ou porque o dereito á seguridade social e aos servizos sociais é substituído polo “dereito de acceso ás prestacións de seguridade social e aos servizos sociais”.

• A Carta non será adoptada polo Reino Unido, o cal, abre a porta a unha rebaixa aínda maior dos dereitos fundamentais.

Axilizar a toma de decisións nunha Unión Europea de 27 membros
• Os países máis ricos (Alemaña, Francia, Reino Unido) terán máis peso mediante o novo sistema de toma de decisións.

• Créase a figura de “Presidente do Consello Europeo e Alto Representante da Unión para Asuntos Exteriores”.

• Avánzase na UE a “varias velocidades” na que os menos poderosos terán cada vez menos capacidade de decisión. Isto posibilítase a través da aparición dun maior número de “cooperacións reforzadas”, é dicir, ámbitos nos que distintos países poden avanzar. O euro (que non está circulando entre todos os estados membro) sería un exemplo.

• Redúcense os ámbitos nos que existe dereito de veto polos estados, aínda que estes non chegan á Política Exterior e de Seguridade Común.

• Auméntanse os ámbitos nos que as decisións serán tomadas na Unión Europea e non a nivel estatal.

• Aínda que o Parlamento europeo aumentou as súas funcións segue cumprindo un papel subalterno fronte ao Consello e á Comisión, organismos, que manteñen a maioría do poder lexislativo e executivo. Á súa vez, o Banco Central Europeo non ten ningún control popular.

• Afírmase a libre circulación da cidadanía europea (art. 18) dentro do marco de peche de fronteiras á inmigración exterior.

• Non obstante, froito das presións da cidadanía, créanse ferramentas novas de participación popular, como son a posibilidade dunha iniciativa cidadá (só sobre a aplicación dos Tratados aprobados, e tras recoller máis dun millón de sinaturas nun número significativo de estados membro) (art. 8B) e certa capacidade de veto concedida aos Parlamentos nacionais (art. 33-3).

• Este tratado non se someterá a referendo popular en ningún país, nin sequera entre os que rexeitaron o proxecto de Constitución Europea do que este Tratado é fillo, agás Irlanda por imperativo legal.

Poder militar para amparar o euro
• Auméntanse os gastos militares (art. 27-3).
• Poténciase tamén a pertenza á OTAN (art. 27-7).
• Apóianse ademais os “ataques preventivos” (art. 28).

Un gran proxecto coma o da Unión Europea: converterse nunha superpotencia implica que temos que realizar algúns sacrificios. A Unión Europea é un proxecto que produce crecemento e riqueza, pero que destrúe o entorno, aumenta as desigualdades sociais, recorta as liberdades e que ten un crecente carácter militarista.

Crea riqueza porque a UE é na actualidade o primeiro bloque económico do mundo. A UE ten a segunda moeda máis importante do planeta, en dura pugna co dólar na consecución da hexemonía, e posúe un amplo abano de multinacionais presentes en todo o planeta e que son as principais investidoras en moitas rexións, por exemplo, América Latina.

Destrúe o entorno pois a construción da UE implica un distanciamento cada vez maior entre os lugares de produción e consumo que son conectados a través das grandes infraestruturas de transporte e de conexión enerxética. Isto implica miles de km2 de asfalto e formigón; o incremento das emisións de CO2 á atmosfera (causantes do cambio climático); ou, a segmentación do territorio, o cal, ameaza aínda máis a biodiversidade. Ademais, a UE é a segunda emisora de gases de efecto invernadoiro do planeta en termos absolutos (o 24%) e per cápita.

Aumenta as desigualdades xa que o control da inflación e do déficit son obxectivos da UE, pero non o é a erradicación do paro e da precariedade. A Unión non contempla o dereito a un ingreso básico universal ou o dereito de poder residir nunha vivenda digna. Ademais non se recoñecen dereitos básicos das persoas inmigrantes como son os referidos ao lugar de residencia ou o dereito de voto.

Isto reflíctese nas cifras, pois, no seo da UE máis dun terzo da poboación activa está en situación precaria: 19 millóns de parados, 21 millóns de contratos precarios, 33 millóns a tempo parcial e un número crecente de asalariados sen papeis (inmigrantes e nativos). Cómpre engadir tamén a manifesta diferenza salarial das mulleres respecto dos homes que é dun 28% ou que a UE deporta ou rexeita a 500.000 persoas cada ano.

Recorta as liberdades xa que en Bruxelas hai 15.000 lobbystas dedicados a presionar para que as lexislacións que emanen da Unión sirvan aos intereses dos grandes capitais. Ademais a participación popular, como se sinalou anteriormente, está ideada para que a xente teña a menor capacidade posíbel para decidir. Por último, non podemos esquecer que, co auxe do terrorismo, tivemos que diminuír as liberdades individuais da poboación para protexela.

Ten un carácter altamente militarista. Ao aparecer tropas da Unión en distintos lugares do globo (Líbano, Kosovo, Haití, Sudán...), estase creando un sistema de posicionamento vía satélite en todo o mundo que terá aplicación militar (o Galileo). Os “euroexércitos” cada vez están máis dotados e teñen maior capacidade de intervención exterior, e alén disto, aprobouse a “Doutrina Solana” pola cal a Unión pode intervir militarmente en calquera lugar do planeta na defensa dos seus intereses.

Sen dúbida estes sacrificios merecen a pena, por iso contamos co teu apoio e o de toda a cidadanía europea.

Erva denuncia o proxecto do lago das Pontes como tapadeira dos verquidos da futura ENCE

Grupo Ecoloxista Erva — 2008-01-24T13:13-07:00

O grupo ecoloxista Erva considera que o proxecto de facer un lago nas Pontes respode á vontade do bipartido de levar ENCE para este concello, perpetuando un modelo forestal e industrial de corte colonialista e claramente perxudicial para o país. ERVA CALIFICA DE DESPROPÓSITO E ESTAFA AMBIENTAL O PROXECTO DO LAGO ARTIFICIAL DAS PONTES

Ante as novas aparecidas recentemente nos medios de comunicación referidas ao peche da mina de lignito das Pontes e á inminente execución do proxecto de criación do lago artificial que cobriría a antiga mina, o grupo ecoloxista ERVA quere manifestar o seu rotundo rexeitamento ao citado proxecto, nas condicións actuais nas que se encontra a mina.

O presente proxecto de criación do lago adoece de importantes eivas técnicas e non se lle deu solución a condicionantes ambientais existentes de grande transcendéncia. Estas cuestións, de non se resolver antes de iniciar o asulagamento da mina, van impedir a medio prazo o uso recreativo do lago. Estes lastres e condicionantes son:

- A imposibilidade de “selar” ou desactivar os frentes do mineral e os depósitos de lignito non extraídos pola sua escasa rendibilidade económica, así como as ladeiras ácidas ou hiperácidas que permanecerán asulagadas en ambientes non anóxicos (ata 8-10 metros de profundidade). Isto provocará a paulatina acidificación do lago, de maneira que o periodo real de vixéncia das actividades recreativas proxectadas será mui breve. A partir dese período serán necesários labores de reparación de grande custo económico, que implicarían o vaciado parcial do lago.

- Segundo o proxecto, o control das aguas de escorrentía das zonas ácidas e hiperácidas non asulagadas implicará o mantimento dunha canle de recollida de aguas para o seu traslado a outro lago de aguas ácidas non apto para actividades recreativas. A existéncia deste lago e desta canle introducen factores de risco a medio prazo (desprendimentos, bloqueos da canle, fugas de aguas ácidas, etc.) que reforzarían a probabilidade de acidificación do lago destinado a usos recreativos.

- Os prazos de tempo barallados para encher de agua a mina (4-5 anos) implican detraer do río Eume un caudal que non garantiría o mantimento das condicións ecolóxicas do próprio rio aguas abaixo do lago, o cal suporía un impacto de enorme gravidade sobre a fauna e a flora ribeiriña durante o periodo de formación do lago.

Precisamente, a insisténcia en abordar o proxecto de forma inminente e dispoñer do lago en 4-5 anos fai pensar que a Consellería de Medio Ambiente o que realmente pretende é favorecer o traslado da celulosa de ENCE a As Pontes, tal como adiantaba algún medio de comunicación. A existéncia deste lago a partir do ano 2013 permitiría á multinacional forestal contar cun grande caudal de agua onde diluir os seus verquidos, puidendo iniciar o seu traslado nesta lexislatura e comezar a producir na nova ubicación a partir dese mesmo ano 2013. Por iso, resulta lamentável que se condicionen os ritmos de recuperación ambiental da mina das Pontes aos intereses doutra das empresas máis contaminantes de Galiza.

Tlfno. de contacto: 630-690869
Pedro Alonso. Portavoz de ERVA. Responsábel da Comisión de Política Forestal

GALIZA NOM SE VENDE

AGRUPAÇOM DE MONTANHA AUGAS LIMPAS — 2008-01-17T22:31-07:00

O 17 DE FEVEREIRO, TODAS A COMPOSTELA ]]> Estamos fartas de ser umha colonia