Chega um outro 28 de junho. Ainda temos frescas as imagens de manifestaçom do “Foro Español de la Familia” o outro dia em Madrid. Foi umha manifestaçom contra nós. Nom estam dispostos a que “escória” como nós contamine a sua santa instiuiçom matrimonial. Foi umha manifestaçom contra todo gai, lésbica, transsexual e bissexual consciente que reclama a sua dignidade.

Foi contra nós. Querem-nos dentro do armário. Dentro da cámara de gas. Querem-nos caladas. Sumissas. Querem-nos no Mc Donalds servindo hamburguessas às suas famílias numerossas; em Movistar –bom, nas suas subcontratas- colhendo-lhes o telefone e atendendo os seus problemas. Querem-nos ai, mas em negum outro sítio.

A manifestaçom do outro dia foi a festa do ódio, do fascismo, do despreço ao alheio, aos maricons, às bolheras, às que nom berramos GOOOL e nom lemos o Marca, às que nom fregam e nom se depilam. A manifestaçom do outro dia è a de uns canalhas neonazis vestidos de “pijos” que venhem por nós.

Levam-na clara. Estamos preparadas. E vamos muito mais alá da excussa cojuntural do “matrimónio”, sabemos que a transfobia e a homofobia tenhem a sua origem em ideologias baseadas na dominaçom de uns sobre outras. O debate social sobre o “matrimonio gai” é um excelente espaço onde podemos comprovar que segue existindo o ódio e a exclussom social. E de que forma!

Que saibam os Fragagás, os Pacolands, os Aqulino Polainos, e os desprezados que se manifestarom o outro dia em Madrid, que som os nossos inimigos. Que nom dormiremos tranquilas até que as suas frustradas bocas deixem de atentar contra a nossa dignidade e a nossa vida. Aqui estamos. No passado, o nosso medo era a sua força. Mas, uns outros tempos som chegados. Já nom calamos. Estamos a desmontar a sua “normalidade”. Construindo e desfrutando a nossa vida e, ao mesmo tempo, em luita e alerta permanente ante a homofobia.

Liberdade para amar!