Coincidindo com o Dia da Mulher Antimilitarista, a organizaçom feminista Mulheres Nacionalistas Galegas (MNG) apresentou umha moçom no Concelho de Ferrol solicitando a retirada imediata da página web do Concelho do banner que encaminha ao site www.soldados.com, página web do Ministerio de Defesa Espanhol empregada para fomentar o militarismo.

A seguir reproduzimos o texto apresentado:


Ante a celebraçom o 24 de Maio do Dia da Mulher Antimilitarista, queremos fazer chegar a seguinte moçom aos diferentes grupos municipais presentes no concelho de Ferrol para a sua apresentaçom no próximo pleno.

EXPOM

Iraque, Afeganistám, os Balcáns, desfiles militares ou autocarros do exército espanhol a fazer propaganda por todo o nosso país. Os estados hegemónicos, com a cumplicidade de meios de comunicaçom e poderes financieros, repitem-nos umha e outra vez a palabra ‘seguridade’ justificando repressom, ocupaçons militares e potenciando o patriarcado, tudo serve para manter o seu modelo injusto de sociedade. Mas esquecem falar do que traem as suas guerras: das mortes de civís, da pobreza, do expólio de recursos, das violaçons e das torturas.

O militarismo está sempre presente na nossa sociedade mantendo a orden estabelecida polo capitalismo e o patriarcado, desde os exércitos vendem-nos agora invasons militares como missons humanitárias, e dim-lhe à sociedade que ser soldado é umha soluçom definitiva à precariedade laboral, um clube de desportos de risco ou mesmo umha agência de viagens com a que poder conhecer todo o mundo, dim-nos que mesmo as mulheres podemos ser ‘soldado’ numha mensagem dumha falsa igualdade de direitos, mas nós sabemos o que significam os exércitos e nom estamos dispostas a ser cúmplices nas suas guerras, denunciamos que o militarismo perpetua valores como o machismo, a misogínia, a homofóbia, a hierarquia ou a obediência cega.

As mulheres somos umha outra vez as que mais sofremos esta violência que ejercem os estados, onde antes, durante e depois de cada guerra nom somos encuitadas, mentres decidem o nosso futuro somos violadas, torturadas ou assasinadas impunemente, vendo como saqueiam as nossas casas e nos condenam a ser refugiadas de guerra.

Ante o exposto anteriormente

SOLICITA

A retirada imediata da página web do Concelho do banner que encaminha ao site www.soldados.com, página web do Ministerio de Defesa Espanhol utilizada para fomentar o militarismo.

Neste 24 de Maio, Dia Internacional da Mulher Anti-militarista, as mulheres voltamos sair à rua a berrar que as guerras só som para nós destruiçom, a denunciar que patriarcado e capitalismo estam por tras de cada umha delas, a desarmar o militarismo.

Trasancos, 24 de Maio de 2006