O Comité de Defensa do Monte Galego considera que a actual Xunta de Galiza está incurrindo no mesmo erro que o anterior Goberno do Partido Popular: deseñar a política de loita contra incendios forestais sen contar coa opinión dos axentes sociais. As prácticas do anterior goberno en materia de montes e lumes no que non se colaborou con axentes sociais ou outros organismos, trouxo consigo o triste privilexio de facer ocupar a Galizao primeiro posto de todo o continente na incidencia dos sinistros que estragan os ecosistemas forestais (na última década 1/4 parte dos incendios de Europa, 10.000 dunha media de 40.000-45.000 en territorio galego; 50% dos incendios e entre o 20-30% da superficie forestal calcinada do Estado é galega)


As distintas organizacións sociais fixeron fincapé na necesidade de consensuar a política forestal e de loita contra os incendios (Plan INFOGA), considerando que Galiza non podía seguir estragando un sector estratéxico desde o punto de vista ecolóxico, económico e social reivindicando que se tiña que consensuar a política forestal e que o Goberno tiña que crear os Consellos Forestais onde cada grupo interesado achegaría a súa opinión e as súas propostas de solucións, tentando frear o uso dos incendios forestais como arma arroxadiza se os resultados non son os esperados.

O Comité de Defensa do Monte Galego, recoñece que o actual goberno bipartito ten levado a cabo algunhas actuacións positivas, mais considera que a Xunta segue sen ter en conta a opinión dos axentes sociais.

Isto tradúcese dos seguintes feitos: non houbo ningunha reunión do Consello Forestal, seguese deseñando a política forestal e de loita contra os incendios de forma unilateral e sen ter en conta as distintas recomendacións de organismos e organizacións internacionais desoíndo que a propia Unión Europea no VI Programa Comunitario de Medio Ambiente 2001-2010 recolle que “a elaboración das políticas de desenvolvemento rural e de protección do medio ambiente debe basearse no diálogo e a participación cidadá”.

O propio Decreto da Xunta do 2006 polo que se regulan as medidas de prevención de incendios forestais é considerado por este agrupamento de entidades que loitan pola protección dos montes, flebe en comparación con outras comunidades autónomas xa que:

- Non regula o tráfico de vehículos a motor no espazo forestal, só as competicións deportivas.

- Deixa nas mans dos concellos a autorización para o lanzamento de cohetes en caso de festas ou tradicións culturalmente arraigadas.

- Rebaixa a esixencia dos 30 anos do cambio de uso dunha zona forestal en caso de ser incendiada “..actitude agroforestal dos terreos, cambio do uso forestal a uso agrario ou gandeiro extensivo daqueles montes non arbolados con especies autóctonas, incultos ou en estado de abandono”.

- Permítese facer fogueiras en zonas habilitadas para tal fin cando o problema é o estado de abandono no que se atopan as áreas recreativas e as denominadas “zonas habilitadas”.

Desde o Comité de Defensa do Monte Galego se considera que “outra política forestal é posible” e demanda da Xunta de Galiza a inmediata posta en marcha de Consellos Forestais para debatir e consensuar a política forestal e de loita contra os incendios forestais. Enviovos ás páxinas web do Comité que ainda que non están actualizadas, a documentación base da plataforma que siguen vixentes. Decirvos tamén que Esiste un Consello forestal, reunido a finais do ano pasado e non se volveu a reunión, habendo a promesa de unha reunión na primaveira que non houbo ,polo que as medidas tomadas non foron consensuadas no Consello

Lume Nuca Máis