Culpáveis:

-Na Galiza nom hai nem cem pirómanos nem cem tarados coordenados para prender os nossos montes diariamente como querem transmitir desde a imprensa e as autoridades. O que aqui há é umha rede organizada que responde a interesses económicos muito grandes que é hora de destapar.

-O nosso monte e o nosso rural, abandonado pola desestruturaçom económica que sofremos e a priorizaçom do sector serviços, é caldo de cultivo perfeito para os incêncios. Nem prevençom, nem planos adequados de ordenaçom das espécies em impendimento para que ENCE , TAFISA e as madeireiras fagam e desfagam como queiram no nosso território. A plantaçom massiva de espécies pirófitas como o eucalipto cria isto: LUME. Os nossos montes som para aproveitar adequadamente e o nosso rural para habitar.

-A conversom da Galiza numha colónia turistia tem consequências como esta. Se o rural se abandona as zonas costeiras priorizam-se, urbanizam-se e aparecem as IMOBILIÁRIAS para repartir o pastel. Arde na costa e arde porque ACS, MAHIA, SAN JOSÉ e cumparsa estám aproveitando ao máximo. Que nom nos enganem com a lei. Só é de aplicaçom em chao forestal. No resto, justo onde arde agora, em terrenos perto de chao já urbanizado si se pode modificar o seu uso. Se bem miramos o mapa de lumes que asola Galiza nestes momentos e comparamos em quais desses concelhos de prepara um PGOM veriamos a cousa muito mais graficamente. Imobiliárias, especuladores, CULPÁVEIS!

- O governo bipartido tem responsabilidades. Que nom neguem a evidência, que assinalem os culpáveis e que comecem a tracejar planos de actuaçom que apresentem no cenário um futuro ordenado e racional dos nossos monte.

-O PP e os seus sequaces, como cara pública da máfia económica que queima os nossos montes, esquece que nos seus anos de governo o nosso País cada verao ficou reducido a cinzas que depois aproveitavam imobiliárias, madeireiras e eólicas, tal e como acontece agora.



Da AMI queremos mostrar a nossa raiva e dor pola vaga de incêndios que a Galiza sofre reiteradamente. Vincamos na necessidade de dar umha resposta ampla, consistente e sem titubeios perante tanta destruiçom incontrolável. A nossa responsabilidade e compromisso como cidadaos dum País colonizado tem que fazer-se palpável mais do que nunca. Mobilizar-se, denunciar, actuar com todos os meior ao nosso alcanço e luitar é umha urgência!

Chamamos a participar a toda a mocidade galega nas convocatórias que de maneira espontánea durante estes dias estám surgindo na geografia galega.


Lumes Nunca Mais!
Viva Galiza ceive e socialista!