- Que facemos nosa a convocatória e chamamos ao conxunto da cidadania a participar na manifestación. Consideramos necesária a presenza do povo na rua expresando a indignación que sentimos ante esta catástrofe que se ven repetindo na nosa terra desde hai xa tantos anos.

- Que chamamos à protesta e à acción contra todos os implicados, responsábeis e beneficiados desta vaga de lumes: constructoras, inmobiliárias, madeireiras, narcotraficantes, o governo presente e pasado...

- Que non concordamos co xeito executivista en que a Plataforma Nunca Máis convocou a manifestación. Qué costaba reunir ás organizacións do Nunca Máis para ter decidido ao respecto? Por que este brinco executivista de xeito que uns poucos deciden por todos e sobre todo? Por que pensa o BNG e grupos afíns que só eles son Nunca Máis e poden convocar unha manifestación coas consignas que irresponsabilizan ao governo sen ter en conta aos demais colectivos e organizacións que forman esta plataforma?

- Que denunciamos o sospeitoso tufo governamental da convocatória. Por que non se piden responsabilidades políticas aos governantes, as que sexan, as que correspondan (que algunha haberá, o 1 ou o 20%, pero hai)?

- Que a CNT non imos ser forza de choque en ningunha loita entre partidos, en controvérsias governo-oposición. Denunciamos, como sempre fixemos, a existéncia de partidos e governos que nos escravizan e desposuen da nosa dignidade e capacidade de decisión. Pulamos, como sempre fixemos, pola total e absoluta desaparición do poder, de todos os governos, de todos os estados.

- Que convocar e sacar à xente à rua para cantar alabanzas ao governo, para santificar aos santisimos ocupantes das poltronas ten un nome: populismo. Iso é fascismo, e xa hai egréxios militantes do populismo: Mussolini, Hitler, Franco. Perón. Queren continuar esa senda Touriño e Quintana? Pois que non conten coa CNT.