Oito anos após a primeira visivilizaçom do que se convertiría na enorme ola das contracimeiras (Seatle 1990), a amalgama global parece retomar forças em fronte do encontro do G8 que está marcado para principios de junho na cidade alemá de Rostock.

Tras varios anos num certo impás, os amplos sectores do anticapitalismo teutom estám dinamiçando o que sémela abrir-se como um revulsivo, um momento álgido de movimento onde voltar a explicitar o profundo rejeitamento que o sistema neoliberal produz viricamente a nível mundial.

Desalojos como o de Ungdomshuset ponhem de manifesto o laboratorio represivo que esta-se a preparar no norte de Europa ante a avalancha de activistas que se está a anunciar a escala global.

Com o galho da apresentaçom dos bloqueios sobre o terreio chega a Galiza umha delegaçom de Antifa Berlín, um dos innumeráveis colectivos inmersos na preparaçom das jornadas de luita que estám ja marcadas no norte de alemanha entre o 1 e o 8de junho.

As palestras faram-se em diferentes pontos da geografía galega e estarám orientadas ao debate e reflexom conjunta sobre as actividades a desenrrolar contra a reuniom dos oito governos máis poderosos do planeta. Porém, falara-se também de hipotéticos desprazamentos de activistas galegas ao norte de Alemanha para participar dos bloqueios activos ao mando global neoliberal.