Xustiza nas rúas, isto é o que demandamos con firme convicción e moi en serio, pero á vez con simpatía, pasando un bo momento. Os coches imponnos a súa lei: velocidade, prepotencia, malos fumes e violencia. Por iso ao desprazarnos en bicicleta cada día pola cidade convertemos a nosa mobilidade nun acto de desobediencia cotián. Se ademais, manifestámonos en bicicleta e espidos convertemos a desobediencia nunha protesta exemplar.

Denunciamos que as nosas rúas foron secuestradas polo coche privado que colapsa as cidades dexenerándoas en lugares hostís e perigosos. O coche mata e a súa impunidade escandalízanos. Demasiados intereses de multinacionais belicistas do petróleo e do automóbil están en xogo se cuestionamos isto.

Propomos un modelo de cidade onde as persoas recuperen o seu espazo, onde se reduzan as necesidades de desprazamento e se aposte polo peón (que somos todos) e polos medios de transporte menos contaminantes e máis eficaces.

¿Por que en bicicleta? A bicicleta é un medio de transporte urbano solvente, saudable, ecolóxico e divertido. É unha icona, un símbolo de liberdade e un instrumento práctico de transformación social. Non paga tributos, non gasta petróleo, non colabora co desenvolvismo destrutor nin coa guerra global.

¿Por que espidas? Porque nos sentimos espidos ante o tráfico pola falta de respecto dos condutores e a desidia dos gobernantes. Coa desnudez facemos visible a fraxilidade das nosas carrocerías (o noso propio corpo). Ademais, amosamos o noso corpo con naturalidade, rompendo o pudor, desmontando tabús respecto do noso físico impostos pola moda e a avaricia da industria transnacional téxtil. En definitiva, enfrontámonos ao tráfico urbano co corpo espido sobre a bicicleta como a mellor forma de defender a nosa dignidade e de vivir a loita social.

Cidades do estado español nas que se celebra o evento: Zaragoza, Madrid, Barcelona, Iruña, Huesca, A Coruña, Alicante, Murcia, Valladolid, Valencia.

Visita a nosa web:  http://www.ciclonudista.net

Marcha Ciclonudista na Coruña (Sábado 9 de xuño ás 12h desde María Pita ata a praia das Lapas)

Na Coruña tamén queremos participar desta chamada mundial. Porque na nosa cidade todavía hai moita intolerancia e prepotencia. O coche e esa posición de poder que proporciona é intolerante e prepotente, como o é a xente que quere limitar o noso dereito a ir vestidos como nos pete, ou a ir non vestidos. Por iso e moito máis propoñemos un percorrido festivo e alegre polas rúas da cidade, un paseo de tolerancia e integridade.

O percorrido comezará en María Pita, vestidos, e nun punto do percorrido ¡ fora a roupa e arriba as bicis ! :) Faremos un percorrido pola cidade para rematar na praia das Lapas, onde nos espera unha festa de recibimento e probablemente algo de picar. Iso sí, un baño nas augas do Atlántico despois da bici non virá nada mal.

Queremos contar co maior número posible de xente e ciclousuari@s, polo que se alguén dubida se atreverse, acudide igualmente. O apoio virá moi ben, e cada un que faga no momento o que lle pida o corpo. Porque esta marcha non nos pertence a uns poucos, senón que é propiedade de calqueira persoa que queira participar dun xeito ou doutro. Marcade ese día nos vosos calendarios, porque é un día irrepetible, non é un día de esos para ir se "cuadra" ben, senón para facer todo o posible por ir.

Ao ser a única cidade en Galiza na que se celebra queremos facer partícipes a todas as persoas doutras partes, a que se animen a pasar un sábado divertido e estimulante. É a marcha ciclonudista galega. E por iso queremos que avisedes a todos os vosos contactos, a tod*s *s vos*s coñecid*s, amig*s ou familiares (sexan daquí ou doutros lugares). A ver se conseguimos que sexa unha comunicación expansiva, que toda esa xente avisada por nós se convirtan tamén en avisadores e xente ilusionada con participar como poida do evento.

Máis información sobre o espírito da marcha, dúbidas e preguntas en:  http://www.ciclonudista.net

A preparación poderedes seguila aquí: Foro de masa crítica (apartado da ciclonudista)

O material dispoñible é:

- Cartaz 1 ( http://www.box.net/shared/h9yxhg5szo)
- Cartaz 2 ( http://www.box.net/shared/qq46722cnl)
- Panfleto diante ( http://www.box.net/shared/z84vu6qikn)
- Panfleto detrás ( http://www.box.net/shared/3i5d66e3sk)

¡Vémonos o sábado 9 de xuño ás 12h en María Pita!