Achega-se o 25 de Julho. Para o movimento é un dia de encontro no que pensar a injustiça que se nos inflige por nascer e/ou querer viver na Galiza. Pode que se bote em falta o momento para o debate e desenho de estratégias de loita. Desde o colectivo editorial somos conscientes da importáncia que este momento concreto tem e gostariamos de abrir este espaço editorial a um debate inteligente sobre o que pode ser a reivindicaçom da Galiza hoje. Qualquera pode entender que, nestes tempos globais, conceitos como Estado, soberania, autodeterminaçom, etc tenhem mudado o seu significado. Mas, em quê medida? Para significar que outra cousa? Quales seriam, nesta redefiniçom do discurso de libertaçom nacional (o discurso que reivindica a dignidade de nascer na Galiza), as possíveis soluçons institucionais à qüestom nacional (independência, federalismo, etc.)? Quê significam em derradeira instáncia estes mesmos conceitos-soluçom e como se ligam aos conceitos que podem dar expressom hoje ao que segue a ser um feito (nascer na Galiza é nascer baixo umha forma de opressom que cómpre erradicar)? Quales podem ser os jeitos e ferramentas de loita mais atinados? Onde ubicar o recurso à violência? Quales podem ser as suas implicaçons tácticas no contexto actual? Paga a pena alimentar a estratégia da tensom coa que o Estado tem tentado historicamente inducir comportamentos das redes do movimento? Aqui vam algumhas das qüestons, que nom esgotam nem moito menos o tema. A cada quem, embora, de engadir o que se lhe ocorrer. Que comece o debate daquela!
- Ese valeiro é cuberto por unha nova organización ou proceso, Causa Galiza.
Creo que as dúas son boas novas. Feliz Día da Pátria!
o debate sobre o que som as naçons e o que nom e sobre todo de que sirve isto a nível organizativo na Galiza, o certo é que a naçom como sujeito político e como base para a organizaçom sempre actuou como máximo comúm divisor em vez de mínimo comúm múltiplo. tanto é assím que as linhas máis clássicas de organizaçom rematarom, e continuam sendo, autênticos fracassos.
a ausência de renovaçom é o que caracteriza ao independentismo galego que nom seduce, que nom ofrece nada novo para o que nom é a própria militáncia.
as linhas de fuga que se tenhem utilizado derom igual resultado, a idea do Centro Social como dinamizador de base social e creador de conflito e conciência do mesmo dentro dos núcleos urbáns. é innegável que o processo de impulso deste tipo de iniciativas desde o independentismo foi fundamental, pero á vez nom deu artelhado umha rede forte e que está excesivamente marcada por um culturalismo que fai estéril qualquer tentativa de acçom política, salvo honrosas excepçons....igualmente que o epifenómeno conhecido como Resistência Galega, que nom só serveu como excusa para aumentar os processos repressivos contra a militáncia política em Galiza e a demonizaçom dos mesmos senom que o fundamento teórico da própria iniciativa nom amossa muita inteligência, já que passa por ser um terrorismo vangardista pero à vez comete acçons sem nengumha repercussom e que porta um descurso sem mais fundamento político que a vinganza, a fascinaçom pola violência e a idea da Galiza colonizada alzada em armas...
o actual projecto "Causa GZ " em breves dará resultados, já se verá de que tipo, pero a presença de determinados sectores da esquerda galega da para pensar que sucederá o mesmo que com as Bases Democráticas Galegas, é dizer, NADA.
Podedes consultar os datos na Wikipedia
por que qualificas a Resistência Galega de "epifenómeno"?
A menos que entenda ao revés a tua intencionalidade comunicativa,
considerares um facto como "superficial" nom leva (?) a qualificá-lo de "epifenómeno" (??)... (?)
qualifiquei considerei-no como tal polo simples feito que a repercussom, nom só social, senom fáctica das acçons de RG foi de autêntica conha, além da patética invençom do suposto activista Osvaldo Brea.
Ninguém: continuo sem entender a tua qualificaçom da Resistência Galega como "epifenómeno"... (??)
2. Fenómeno que se vem juntar a outro sem exercer sobre este nenhuma influência [gr. epi + phainomenon].
RG viria ser um engadido ao independentismo realmente existente que nom exerceria influência nenhuma sobre o seu desenvolvimento.
http://www.vieiros.com/nova/59962/reforzan-a-presenza-policial-nas-vesperas-do-dia-da-patria
Epifenómeno é, polo tanto ese todo que pode ser entendido como algo máis que a suma das partes.
