http://piratasgz.blip.tv/file/471426/

Clicando nesa ligazón podedes ver o video que vos apresentamos máis polo miúdo a continuación:

A súa experiencia nos máis de dez anos de percorrido deste centro social de mulleres, asi como as súas reflexións sobre feminismo, identidades sexuais, as reconfigracións no mundo do traballo ou as mudanzas desde a okupación dos anos 90 até agora, e en definitiva, o que nos transmitiu eses dias sobre como repensar a vida, a política e os centros sociais queremos compartillalo con este video.

Participou en encontros nos centros sociais A Revolta de Vigo, e no Atreu na Coruña, e por último nunhas xornadas de igualdade organizadas polo Concello de Mugardos.

O que aconteceu nestas xornadas (podedes velo a partir do minuto 16,55) en Mugardos non estivo alleo á polémica pola Planta de Gas nesta ría, e Silvia interveu falando da situación, e mesmo ao chegar comentou á concelleira "estaría ben que as xornadas fosen no Concello coa xente fechada", inxenuamente, porque a propia concelleira de Igualdade é moi belixerante con este tema.

Despois desta charla saberiamos, ao ir até o feche e falar cos viciños e viciñas de Mea, que, en realidade estas xornadas estaban pensadas para amolar ás xente que ocupan o salón de plenos desde hai máis de cen días, pois querían que se celebrasen ali para desprazalas até o vestíbulo; pero as viciñas decidiron inscreberse nas xornadas e meter por rexistro un escrito no que dician que estarían encantadas que as xornadas se celebrasen alí e que non terían ningún problema en recoller todo e axudar nas xornadas. Como a estratexia non lle funcionou ao Concello desprazaron as xornadas a un instituto ao que non foron nin dez persoas..

De todo isto é relato este video, desde a chegada até a despedida.