O Foro da Mocidade de Vigo é umha entidade assemblear de confluência da juventude revolucionária viguesa. Nela, participam militantes da comarca a nível individual. Esta iniciativa botou a andar o passado 17 de Novembro com um magosto popular.

O Foro da Mocidade informa da nova campanha que pom em marcha para o presente curso: umha campanha pola nossa língua que volva pôr no debate social a morte silenciosa do nosso idioma
como língua de uso social. Esta campanha vai-se desenvolver através de institutos, faculdades e lugares de socializaçom habitual da juventude.

Objectivos:

– Fomentar o associacionismo juvenil ao redor desta problemática.
– Apresentar o monolingüismo social como única saída viável para o futuro do idioma.
– Gerar espaços de debate sobre esta questom.
– Centrar a campanha na questom do uso social e nom na normativa (RAG/AGAL).

A campanha desenvolvera-se com as seguintes iniciativas:

– Realizaçom de palestras em institutos e faculdades.
– Ediçom de colantes e cartazes com as diferentes reivindicaçons.
– Realizaçom de murais.
– Denunciar as agressons que se deam às pessoas galego-falantes nos centros de trabalho e ensino.

O Foro da mocidade de Vigo anima ao resto da juventude galega a organizar-se em entidades amplas que deam pé ao trabalho conjunto nesta questom em cada comarca do País.