Pero xa desde principios dos anos oitenta houbo importantes empresas que optaron por incorporar con normalidade o uso do galego, sendo hoxe en día cada vez máis habitual a presenza da lingua propia de Galiza no eido empresarial.

Porén, a Confederación de Empresarios de Pontevedra semella permanecer ancorada no pasado, inmóbil no seu rexeitamento ao uso do galego. E isto malia que a súa matriz, a Confederación de Empresarios de Galiza, se declara "en sintonía coa sensibilización lingüística presente na sociedade", e asegura que "asumiu o reto de apostar decididamente polo uso e extensión do galego, pilotando un proxecto de dinamización lingüística enfocado ao ámbito empresarial".

Desde a Ciberirmandade da Fala queremos darlle aínda máis motivosSegue a ler á CEP para que mude a súa actitude, e faga do galego a lingua de seu. Envíalle un correo desde aquí .

 http://www.ciberirmandade.org/sitio2007/component/option,com_obxetivos/task,envioweb/id,103/

Grazas por colaborar!

CiberIrmandade da Fala

Texto do Prego:

Prezados señores, prezadas señoras,

O sector empresarial, nomeadamente as pequenas e medianas empresas, son
un elemento crucial para o desenvolvemento de Galiza, tanto no aspecto
económico como no social. Nese sentido considero de grande importancia
certas iniciativas da Confederación de Empresarios de Pontevedra, como
a promoción da incorporación das tecnoloxías da información e
comunicación ás empresas. É este un camiño, na miña opinión, moi
acertado.

Porén, chámame a atención que sendo tan capaces de ver a importancia
das TIC, non sexan quen de percibir que o trato co cliente é unha das
ferramentas de máis valor que teñen as PEMES, e de que a lingua na que
se establecen esas relacións é fundamental.

É unha mágoa que a CEP dea tan mal exemplo ás empresas da provincia,
facendo un uso raquítico do galego e non tendo nin tan sequera unha
versión en galego da súa páxina web. Esta actitude tan negativa chega
incluso a provocar situacións tan incomprensibles como a de promocionar
uns "Encuentros de negocio Luso-Galaicos" integramente en español.

Prégolle que de aquí en diante teña en conta a importancia que o uso do
galego ten para unha grande parte da poboación, e que actúe en
consecuencia dando pasos decididos para facer desta lingua a de uso
normal na CEP, comezando por ofrecer unha versión en galego da súa
páxina web.

Atentamente,

NOME
DNI