Nos últimos meses estamos a asistir a umha ofensiva por parte dos sectores mais ultras e reaccionarios contra a nossa lingua. Baixo o que eles/as denominam liberdade de eleiçom agócha-se o desejo de continuar com a opressom da nossa lingua. Por suposto que nom é o obxectivo destas breves linhas rebater e demoler um por um os seus argumentos, calquera pessoa cum mínimo de sentido comúm e de conhecemento da realidade lingüistica deste pais decatara-se do esperpéntico e surrealista da situaçom criada: o galego fica practicamente ausente dos meios de comunicaçom, no ensino nom se cumpre com a tímida legislaçom existente, no ámbito laboral o emprego da nossa lingua pode-te sentenciar, a continua perda de falantes...
É preciso que nom agardemos mais, já estám organizados/as, estám fazendo campanhas, e já nom vale tam só com ponher-nos em fronte deles/as (que também hai que faze-lo), é hora já de que nos ponhamos em pé, e actuemos em todos os ámbitos posíveis. É hora de que todos/as os/as que amamos a nossa lingua, de que todos/as os/as que luitamos por ela, sumemos as nossas forças, mais alá das posíveis diferênças em quanto à normativa ou demais aspectos. É hora de começar a fazer campanhas e actos. Já nom vale só com reaccionar ante as suas provocaçons. Hai que actuar, é hora de trabalhar.
É hora de que todas as organizaçons e associaçons de defesa da lingua comecem a levar a cabo acçons e campanhas em positivo, nas que a defesa da lingua provoque a nossa uniom, é hora de que nos activemos e actuemos em todos os ámbitos, desde a participaçom em associaçons ou em actos de defesa da lingua, escritos aos jornais (cartas ao director), debates na rua...
A lingua vai ser o campo de batalha dos próximos meses ou quiçais anos contra os/as inimigos/as da nossa terra. Já nom podemos continuar assim, reaccionando ante os seus actos. O futuro da lingua depende dos/as que a queremos/as.
VIVA A LINGUA!!!