Este domingo o jornal "El Correo Gallego" recolhia umha aportaçom articular de Salvador Garcia-Bodaño no que dava conta duns sucessos "memoráveis" que tiveram no seu día ampla repercussom mediática quando um grupo de universitários (docentes e discentes) interrumpiram o nomeamento Honoris Causa de Cunqueiro, Cela e mais o filólogo Joseph M. Piel com gram balbordo e a introduçom de duas galinhas vivas.

Garcia-Bodaño nom da nomes, fala de "curiosas personagens que, andados os anos, se forom situando a full time -ver para crer- no bando da direita que tanto atacaram, e defendendo com énfase os postulados dum conservadorismo ao velho jeito".

Pois bem, agora com motivo dos "Feitos SanGileiros", umha dessas "curiosas personagens", Miguel Cancio (professor de Económicas) se destaca como paladim da justiza e da democrácia e fai pública na sua web um manifesto contra as estudantes que protestaram pela presência da San Gil na Faculdade de Económicas e pide que rodem cabeças.

O que nom di Cancio, é que de ter rodado cabeças pelos actos que el e a sua panda de coleguis rebeldes de finais dos 70 e primeiros dos 80, figeram na altura, hoje nom teria sacada a praça de titular (ainda era PNN). Alem disso, nom lembra o ano aquele em que os PNNs (professores nom numerários, ou seja sem praça) estiveram de folga todo o curso com o apoio incondiçonal do estudantado e nom foram poucos os actos que protagonizaram dumha feitura moi similar à protagonizada pelas estudantes que agora criminaliza. Ou feitos como nomear "Doctor Gloriosis Causa" ao porco Juan Jacobo Paradox e mesmo Honoris Causa ao sapientíssimo asno Zenon de Kotapos. Casos reais e documentados mesmo na sua própria página web.

Claro que, agora aplaude à COPE , posiçona-se em contra do matrimónio entre pessoas do mesmo sexo e pide repressom.

Fontes:
Artículo de García-Bodaño: Violencia vs. democracia  http://www.elcorreogallego.es/index.php?idMenu=13&idEdicion=795&idNoticiaOpinion=265977

Página web do inquisidor:  http://www.miguelcancio.com