Malia o bombo mediático que se lle deu á espectacular toma do seu barrio nas horas da detención e rexistros na súa casa e o seu bar, non se están presentando probas contra el.

Carlos levaba estes últimos 2-3 anos adicado practicamente en exclusiva a sacar adiante o seu negocio: o bar Faluya, sito na rúa Orzán, nº 75. Traballaba alí de luns a sábado, pechando todos os días de madrugada, e levando unha vida totalmente pública, como calquera de nós.

Parte das persoas que o coñecemos intuímos que Carlos é unha 'cabeza de turco', un 'efecto colateral' da coiuntura pre-electoral (espectacular redada no bar Patachim a nivel local, detencións de supostos islamistas-terroristas no Raval barcelonés, as habituais detencións en Euskal Herria, etc.).

E por que lle tocou a Carlos? Pola súa solidariedade cos dereitos das persoas presas e por ser o irmán de dous presos por vinculación ao Grapo e PCE (r), 'argumentos' que 'xustifican' a caza de bruxas que fai que calquera persoa poida converterse en terrorista sen el/ela mesmx sabelo. Ver artigo sobre un dos casos máis estrambóticos que están acontecendo en Euskadi.

Poucos días antes da súa detención, eu vira no CGAI unha película colectiva sobre o convulso momento socio-político que se vivira na Alemania de 1976-77, tralas accións da RAF (Fracción do Exército Vermello ou Baader-Meinhoff) e os supostos suicidios dos seus membros presos. Nalgún intre da película-documental facíase un paralelismo co réxime nazi, onde a xente tiña medo a falar, a manifestar libremente as súas opinións por medo a ser consideradas simpatizantes de xudeus ou terroristas. É real a democracia española? Son reais as democracias deste mundo...?

En fin, como parte da campaña de apoio que se está levando a cabo, este SÁBADO 23 de febreiro ás 18:00 na PRAZA das CONCHIÑAS (A Coruña), hai convocada unha manifestación polo seu barrio (As Conchiñas-rúa Barcelona). Trátase dunha convocatoria aberta para explicar a súa situación e aglutinar o apoio co que conta no seu barrio e das persoas solidarias coas inxustizas en xeral. Vémonos alí!!

Vémonos alí ! ?