Esta é a 3ª ediçom da máni que convoca, com motivo do 28 de junho, Maribolheras Precárias. Partimos da perspectiva de que os movimentos sociais devem mover-se à margem dos tentáculos institucionais ou do mercado. Plantejamos umha mobilizaçom independente e autónoma das redes clientelares ou os partidos políticos. Inapropriável. Autogerida. Umha mobilizaçom horizontal, criativa, incluinte, que se vai transformando e fortalecendo a si própria em cada convocatória, e que pretende ser, em clave de reapropriaçom do género e de libertaçom sexual, umha expressom do movimento queer e antagonista galego. Frente às políticas de integraçom no regimem hetero e binário, frente à normalizaçom, frente à retórica dos direitos, partimos dos nossos corpos e dos nossos desejos como poténcia de subversom extraordinária.

Aqui estamos. Esta vez apontando co dedo a esses que tanto nos ódiam: a igreja católica. Fazemos um chamamento a todos os colectivos, associaçons vizinhais, redes autónomas, trabalhadoras sexuais, colectivos LGBT, grupos anti-SIDA, centros sociais, projectos pola cultura livre, redes feministas, colectivos de migrantes, experiências comunicativas de contra-poder, assembleias de precárias, espaços okupados.......a somar-se e fazer sua também esta mani*festa*acçom.

Somos potência em rede. Somos movimento.

Para adesons à manifestaçom enviar email para  maribolheras@hotmail.com

Já está operativo o blogue específico da convocatória, onde iremos colgando todos os materiais, informaçom, adesons, etc:  http://28junho2008.blog.com/

Basta de rosários nos nossos ovários!
A igreja mata...apostata!

 http://maribolheras.blog.com/