Hoje luns, perto dumha centena de pessoas concentramo-nos no Obelisco para exigir o esclarecimento da morte de Rosa Pazos e para berrar, bem alto, que já abonda de transfobia, de transfobia institucional, de transfobia policial, de transfobia mediática e de transfobia social. Estamos fartas dumhas práticas e umhas políticas de gênero absolutamente normativas, que causam exclussom, ódio e e violência sobre as pessoas que nom nos adeqüamos a elas.

Na concentraçom cenificou-se umha 'morrida' colectiva para lembrar a Rosa, mas também a Gisberta, a Luna, a Sonia, a Maro...e a tantas outras. Porque a transfobia, mata. Segue matando, e nom parece importar-lhe a ninguém.

A concentraçom converteu-se ao final em manifestaçom-encartelada, percorrendo a Rua Real, onde se informou das convocatórias previstas para outubro; onde desde o movimento trans (e as suas e os seus amigos) reivindicaremos a imediata despatologizaçom da transsexualidade, o fim da tutelagem psiquiátrica e a eliminaçom do diagnóstico de 'disfória de gênero'.

ELES DIM QUE TEMOS DISFÓRIA
NÓS DIZEMOS QUE TEMOS EUFÓRIA!

Queremos agradecer a participaçom de toda a gente que assistiu à convocatória lançada inicialmente por Maribolheras, Nomepisesofreghao e Atreu, especialmente às companheiras de ALAS, que vinherom expressamente desde Lugo, ou as gentes de Própolis e a Casa das Atochas. Somos potência em rede. Somos movimento.