Nom é a primeira vez que os cartazes das touradas som arrancados, tapados ou cubertos de pintura polos sectores sociais mais conscientes da nossa cidade. Do mesmo jeito, também nom é a primeira vez que jovens antitaurin@s som vítimas de identificaçons arbitrárias e assédio policial constante.

Ambos os dous factos dérom-se na noite da sexta para o sábado, quando umha vintena de painéis taurinos de toda a cidade fôrom boicotados com pintura preta, a maioria deles com a legenda “STOP touradas”. A mesma noite, um grupo de pessoas, na sua maioria jovens, fôrom retidos por meia hora, cacheados e identificad@s por um desproporcionado desplegue da polícia municipal, durante o qual o carro dum deles foi registado e tod@s eles/as denunciad@s, acusad@s, supomos, de pintar de preto cartazes taurinos.

A polícia local continua assim a linha de repressom contra qualquer atisbo de dissidência social que vêm definindo a actuaçom dos corpos repressivos, actuando de facto como “polícia política”, acossando a activistas, reprimindo expressons sociais totalmente legítimas, e salvaguardando a toda costa os interesses privados de “Plazas y Toros S.L.”. Nom se entenderia se nom que mostrem um cío tam grande em defender painéis da empresa dos irmaos Lozano, que ocupam um espaço público que nos pertence a tod@s, e que publicitam umhas festas rechaçadas por amplos sectores sociais.

Desconhezemos se este asédio é a resposta da Câmara Municipal à denúncia que a plataforma fazía da cumplicidade propagandística do concelho com as touradas, assim como da autorizaçom e connivência com os centos de paineis que imponhem umha condiçom taurina da cidade que nom compartilhamos.

Como denunciamos com anterioridade, nestes días colocaram-se maciçamente cartazes taurinos de grandes dimenssons, atados a mobiliário urbano, o que de facto supom umha invassom do espaço público , agravado na promoçom de um atavismo execrável. Por tanto, a plataforma Pontevedra Antitaurina vindica:

1) A proibiçom de colocar propaganda que chame ao maltrato animal nas rúas da cidade, um incumprimento do Concelho da abondante legislaçom nesta matéria.

2) A fim do asédio policial ao movimento antitaurino, com identificaçons, retençons ilegais e boicotes continuados, exigindo a toma de medidas por parte do concelheiro de seguridade cidadá, Guillerme Vázquez.

3) A responsabilidade directa do governo municipal (BNG-PSOE) nas actuaçons intimidatórias da polícia local e a supeditaçom às ordes da Subdelegaçom do Governo espanhol (PSOE), recorrendo à repressom, à multa e às retençons arbitrárias.

De Ponte Vedra Antitaurina continuaremos a realizar actividade com o objectivo final da desapariçom das touradas, e seguiremos a denunciar factos como este. Um concelho que se publicita como “ambientalista” têm de amossar a súa opossiçom enérgica ao maltrato animal e iniciar o desterro das touradas da nossa cidade se nom quer permanecer no descrédito. Ainda pior se baixo a súa responsabilidade directa se reprimem os movimentos sociais antitaurinos e se practica o amedrentamento de jovens com a finalidade de que cessem no seu empenho.

Para rematar, animamos aos sectores mais comprometidos com a erradicaçom da barbárie taurina a demonstrar a súa opossiçom a esta espanholíssima e cruel tradiçom do mesmo modo que @s jovens acosad@s pola polícia.

Nom deixes que a propaganda taurina invada a nossa cidade! STOP TOURADAS.

 http://pontevedraantitaurina.wordpress.com/2008/07/29/de-novo-represion-policial-ao-movemento-antitaurino-de-pontevedra/