CONTRA O EXTERMÍNIO DA NOSSA LÍNGUA

POLA NORMALIZAÇOM DO GALEGO

Os colectivos e pessoas que nos juntamos em assembleia e formamos Mocidade pola Língua chamamos à cidadania galega, e em especial aos jovens, a contestar o que ao nosso ver . umha provocaçom. Galícia Bilingüe , um outro sector organizado do espanholismo galegófobo, pretende manifestar-se o próximo dia 8 de Fevereiro contra a nossa língua nas ruas de Compostela.

Esta organizaçom, apoiada polo espanholismo e protegida pola Forças de Seguridade do Estado Espanhol, argumenta, em defesa do extermínio da língua galega, que é um direito individual escolher a língua na que educarám aos seus filhos. Nada mais longe da realidade. Até os anos 70 do passado século nunca antes fora possível ser educado em galego e muito menos escolher outra língua diferente do espanhol. Ainda hoje o galego nom é a língua veicular da educaçom, nem sequer em áreas de esmagadora maioria galego-falante.

Venhem-nos pois com argumentos de factos consumados, argumentado que a Galiza é bilingue. . Após décadas de impossiçom lingüística, colonizaçom cultural e desprestígio do nosso povo por falarem a sua língua. Após ditaduras e monarquias que eliminarom o galego de qualquer alto estamento, uso administrativo ou educativo, criaçom literária, científica ou jornalística a Galiza é bilingue. Mas, após séculos de monolinguismo em galego nom podemos permitir o extermínio dumha parte tam importante da nossa cultura e identidade.

Os nossos pais, nais, avós, professores, literatos e científicos forom aldrajados, perseguidos, insultados, mortos e exilados. Nós, herdeiros desta triste história ainda temos a possibilidade de conservarmos a nossa língua e por conciência livre e democrática advogamos por umha sociedade galega monolingue em galego e por umha educaçom plurilingue que garanta a total competência e imersom linguística dos nossos cidadans na língua que lhes é própria, o galego.

Nom ficam aí as nossas reivindicaçons, A Administraçom Galega tem a obriga, quando menos legal, de fazerem cumprir as leis e decretos que eles mesmos elaborarom, respeitar as numerosas sentenças judicias galegas, espanholas e europeias sobre o assunto, e ter em conta os informes e normativas elaborados por instituiçons da Uniom Europeia. É o nosso direito como galegos e galegas que a nossa língua seja protegida e promocionada e que os nossos direitos sejam respeitados. Nom existe nengumha sociedade plenamente bilingue, sempre há umha língua predominante. É por isso que consideramos o "bilinguismo harmónico" um ataque encoberto contra o galego, hoje em dia em abafante inferioridade ante o espanhol. Meios de comunicaçom, educaçom, administraçom e judicatura e o sector público em geral expressarem maioritariamente em espanhol. O entorno é, sem dúvida, espanholizante.

Por todo isto e mais é que convocamos umha manifestaçom em Compostela o dia 8 as 12:00 na Alameda em contra do extermínio da nossa língua, em pró da normalizaçom do galego e em defensa dos nossos direitos linguísticos colectivos.

Assembleia da Mocidade pola Lingua.
30 de Janeiro de 2009.