Se primeiro foi NÓS-Unidade Popular quem reclamou um "repúdio às provocaçons do espanholismo nas ruas do nosso país", posteriormente BRIGA conseguiu introduzir vários militantes num acto do colectivo em Compostela, apesar da enorme pressom policial, e protestar pola campanha antigalega de "Galicia Bilingüe".

Por outra parte, o chamado "movimento ridiculista" anunciou também que receberá nas ruas da capital galega a visita dos favoráveis à definitiva imposiçom do espanhol na vida social galega, provavelmente com paródias como já tenhem feito noutras ocasions.

Agora foi a Assembleia da Mocidade pola Lingua que aderiu à jornada de luita contra os inimigos do galego no dia 8 de Fevereiro. Sob a legenda "Contra o extermínio da nossa língua", anunciam que vam manifestar-se no dia 8, às 12 do meio dia, na Alameda de Compostela, com umha ruidosa presença que enxote do lugar os hegemonistas pró-espanhol.

Segundo afirmam: "A perda de falantes entre a mocidade é alarmante, e o ensino cumpre um papel desgaleguizador. A legislaçom nesta matéria incumpre-se sistematicamente. Mais de 90% dos meios de comunicaçom, filmes, videojogos, etc. estám em espanhol. As geraçons mais novas som as primeiras da história que nom tenhem como língua maioritária o galego. A nossa língua própria desaparece perante a passividade da administraçom e os ataques dos colectivos espanholistas.
Temos que parar isto".

Dirigentes do PP e de UPyD, com os "bilingüistas"

Dirigentes do PP como a viguesa Corina Porro, bem como Rosa Díez e o seu colectivo UPyD, já figérom público o seu apoio à manifestaçom de "Galicia Bilingüe", que defende o fim de qualquer política de apoio institucional ao galego e a hegemonia completa do espanhol na Galiza.